• Cydraddoldeb, amrywiaeth a chynhwysiant

    Tegwch ​​​yw un o'n pum nod strategol yn y Brifysgol Agored ac rydyn ni wedi ymrwymo i wreiddio cydraddoldeb a thegwch ym mhopeth a wnawn. Meithrin diwylliant amrywiol a chynhwysol lle mae pawb yn y Brifysgol yn teimlo bod croeso iddyn nhw, eu bod yn cael eu gwerthfawrogi ac yn gallu cyrraedd eu potensial llawn. Mae gan bawb yn y Brifysgol Agored rôl i’w chwarae wrth wneud y Brifysgol yn decach ac yn fwy amrywiol a chynhwysol.

    Darllenwch fwy >

Dweud wrthym amdanoch chi

Drwy ddweud wrthym amdanoch chi a’ch anghenion yn ystod y broses recriwtio, gallwn wneud yn siŵr ein bod yn gwneud popeth i’ch cefnogi. Gallwch fod yn dawel eich meddwl y byddwn yn ceisio gwneud eich profiad y gorau y gall fod a sicrhau bod ein polisïau cydraddoldeb yn effeithiol. Ni fyddwn yn datgelu eich statws i unrhyw un nad oes angen iddyn nhw wybod. Ac mae cyfranogiad yn gwbl wirfoddol.

Mae'r Brifysgol Agored yn croesawu ymgeiswyr sy'n nodi bod ganddynt anabledd neu gyflwr niwroamrywiol. Os oes angen unrhyw addasiadau arnoch i’ch galluogi i fynychu’r cyfweliad, gwnewch yn siŵr eich bod yn cysylltu â’r Tîm recriwtio i drafod eich gofynion.

Rhowch wybod i ni os oes angen eich copi o'r Swydd Ddisgrifiad arnoch mewn fformat gwahanol i gwrdd â'ch anghenion. Mae gwybodaeth hygyrchedd ychwanegol i ymgeiswyr anabl ar gael o'r Tîm recriwtio.

Mae'r Brifysgol Agored yn falch o fod yn gyflogwr Hyderus o ran Anabledd achrededig.

Bydd croeso cynnes i geisiadau gan ymgeiswyr sy'n nodi eu bod yn anabl. Rydym yn meddwl yn uchel iawn o'n cyflogeion presennol sy'n nodi eu bod yn anabl ac rydym yn addo cynorthwyo a thrin yn deg yr holl gyflogeion os byddant yn dod yn anabl.

Rydym wedi ymrwymo i gynnig cyfweliad i nifer teg a chymesur o ymgeiswyr sy'n nodi eu bod yn anabl, ar yr amod eu bod yn cwrdd â'r meini prawf gofynnol ar gyfer dethol mewn perthynas â'r swydd y maent yn gwneud cais amdani.

Ein Cynllun Cydraddoldeb

Fel corff cyhoeddus, mae gennym sawl dyletswydd statudol. Mae Dyletswydd Cydraddoldeb y Sector Cyhoeddus o dan Adran 149 o Ddeddf Cydraddoldeb 2010 yn ei gwneud yn ofynnol i ni roi sylw dyledus i'r angen i ddileu gwahaniaethu, hyrwyddo cydraddoldeb a meithrin cysylltiadau da rhwng grwpiau o bobl.

Mae Adran 75 o Ddeddf Gogledd Iwerddon 1998 yn ei gwneud yn ofynnol i ni roi sylw dyledus i'r angen i hyrwyddo cyfle cyfartal a chysylltiadau da ar draws ystod o nodweddion.

Rydyn ni’n ymrwymo i gael trefniadau mewnol effeithiol ar waith i sicrhau ein bod yn cydymffurfio â'r dyletswyddau statudol ac ar gyfer monitro ac adolygu ein cynnydd. Mae hwn yn gynllun sy'n eich diogelu chi, ein pobl.

Darllenwch fwy >

Rhwydweithiau staff

Mae rhwydweithiau staff yn ein galluogi i fod yn fwy cydweithredol, yn fwy grymus, ac yn gynhwysol drwy gysylltu a chefnogi ein cydweithwyr. Maen nhw’n cynnig gofod diogel i unigolion rannu cyd-ddealltwriaeth, profiadau positif a negyddol ac i ddatblygu strategaethau mewn ymateb i'w profiad yn y gwaith. Rydyn ni’n dathlu amrywiaeth ac yn hyrwyddo cynhwysiant ym mhopeth a wnawn.

Rhwydwaith Du ac Ethnig Leiafrifol

Mae’r Rhwydwaith hwn yn ofod cymdeithasol a diwylliannol i aelodau gefnogi a grymuso ei gilydd, codi mwy o ymwybyddiaeth o gyfoeth diwylliannol y gymuned, a bod yn llais yn erbyn gwahaniaethu ar sail hil.

Rhwydwaith Gofal a Gofalu yn y Brifysgol Agored

Gan ganolbwyntio ar gyfnewid gwybodaeth am ofal a gofalu, hyrwyddo hawliau gofalwyr o fewn y Brifysgol Agored a chynnig gwybodaeth, cyngor ac arweiniad mewn datblygiadau sy'n ymwneud â gofalwyr.

Rhwydwaith Galluogi Staff yn y Brifysgol Agored

Mae'r Rhwydwaith Galluogi Staff yn cefnogi staff a myfyrwyr PhD anabl, gan gynnwys y rhai sydd â chyflyrau iechyd hirdymor. Mae'r Rhwydwaith hefyd yn darparu mecanwaith ar gyfer adborth, gan sicrhau bod y Brifysgol yn deall anghenion staff ag anableddau.

Rhwydwaith Cefnogi Cymunedau Rhyngwladol

Rhwydwaith staff ar gyfer mudwyr sy’n agored i holl wladolion yr UE, gwladolion y tu allan i’r DU a gwladolion y DU, sy’n cynnig cymorth a gofod ar gyfer pryderon, materion a blaenoriaethau.

Rhwydwaith Niwroamrywiaeth

Mae’r Rhwydwaith Staff Niwroamrywiaeth yn cefnogi staff sydd naill ai wedi cael diagnosis o gyflwr/cyflyrau niwrowahanol neu’n amau bod ganddyn nhw gyflwr/gyflyrau niwrowahanol, a chynghreiriaid. Mae'r Rhwydwaith yn darparu mecanwaith ar gyfer adborth, gan sicrhau bod y Brifysgol yn deall anghenion staff ag anableddau.

Rhwydwaith Balchder

Rhwydwaith i bawb sy'n uniaethu fel LHDTCRhA+ a chynghreiriaid. Nod y rhwydwaith yw creu amgylchedd lle gall pawb berthyn, ffynnu a chyflawni uchelgeisiau heb rwystrau, tra’n dathlu ein gilydd ar hyd y ffordd!

Rhwydwaith Staff Traws

Mae’r Rhwydwaith yn cynrychioli cyfoeth o hunaniaethau rhywedd a set amrywiol o brofiadau bywyd a’i nod yw cynnig gofod diogel i bob cydweithiwr sy’n ystyried eu hunain yn drawsryweddol ac yn rhywedd-amrywiol. Grŵp cymdeithasol gan fwyaf, gyda phwyslais ar feithrin cymunedol, mae gan y Rhwydwaith dros 40 o aelodau o nifer o dimau a lleoliadau.

Rhwydwaith Menywod y Brifysgol Agored

Grŵp hollgynhwysol sy’n gweithio i hyrwyddo cydraddoldeb rhywiol a chodi proffil menywod yn y Brifysgol Agored, gyda’r nod o gynnig cyfleoedd i ddod at ei gilydd, gwrando ar siaradwyr gwadd ysbrydoledig ac i rannu syniadau a heriau.