• Rolau proffesiynol, rheoli a chymorth

    Nid rolau academaidd yn unig sy’n gwneud prifysgol. Mae amrywiaeth o rolau o fewn ein Cyfadrannau hunedau eraill sy'n cyfrannu at brofiadau myfyrwyr, rhediad esmwyth ein gweithrediadau ac at gyflawni ein cenhadaeth.

    Nid yn unig y byddwch yn rhan hollbwysig o lwyddiant myfyrwyr ac yn hyrwyddo cymdeithas yn ei chyfanrwydd, ond byddwch hefyd yn profi cyfleoedd newydd ac yn datblygu yn eich gyrfa eich hun.

Gwasanaethau Academaidd

Mae Gwasanaethau Academaidd yn cynnig cymorth ac arweiniad strategol er mwyn sicrhau llwyddiant ein gwasanaeth i fyfyrwyr, gan gydweithio â chydweithwyr y Brifysgol, yn enwedig y rhai mewn unedau academaidd.

Uned Datblygu Busnes

Mae’r Uned Datblygu Busnes wedi ymrwymo i ddarparu atebion dysgu arloesol a phroffidiol, i fyfyrwyr, busnesau a phartneriaid yn y DU ac yn fyd-eang.

Swyddfa Datblygu

Diben y Swyddfa Datblygu yw codi incwm dyngarol a meithrin cymuned gysylltiedig o gyn-fyfyrwyr, gan gefnogi'r Brifysgol Agored i gyflawni ei chenhadaeth a'i hamcanion strategol.

Gwasanaethau Digidol

Daw Gwasanaethau Digidol â gwybodaeth ymarferol y gellir ymddiried ynddi am ddylunio, data a thechnoleg i gyflwyno dysgu gydol oes yn y Brifysgol Agored. Mae Gwasanaethau Digidol yn cynnal dros 250 o wasanaethau a systemau’r Brifysgol Agored y mae myfyrwyr a staff yn eu defnyddio bob dydd.

Cydraddoldeb, Amrywiaeth a Chynhwysiant

Mae’r tîm Cydraddoldeb, Amrywiaeth a Chynhwysiant (EDI) yn dîm arbenigol sy’n canolbwyntio ar amrywiaeth eang o faterion cydraddoldeb ar draws y Brifysgol. Mae’r tîm EDI yn sicrhau bod y Brifysgol Agored yn bodloni gofynion cyfreithiol, yn sefydlu arferion da ac yn rhoi’r arbenigedd sydd ei angen i adeiladu cymuned wirioneddol amrywiol a chynhwysol.

Ystadau

Mae ystadau yn cynnig amrywiaeth o wasanaethau proffesiynol i'r Brifysgol gan gynnwys, ymhlith pethau eraill, rheoli prosiectau, iechyd a diogelwch, gwasanaethau post, cludiant, cynnal a chadw a rheoli tiroedd ac eiddo.

Gwasanaethau Cyllid a Busnes

Mae Gwasanaethau Cyllid a Busnes yn cynnig gwasanaethau cyfrifyddu, caffael a masnachol cyfreithiol i'r Brifysgol, gan helpu i wneud y defnydd gorau o adnoddau ac i gyflawni cyfrifoldebau statudol.

Technoleg Gwybodaeth

Mae Technoleg Gwybodaeth (TG) yn darparu systemau a gwasanaethau sy'n cefnogi cenhadaeth, myfyrwyr, cydweithwyr a phartneriaid y Brifysgol.

Gwasanaeth Archwilio Mewnol

Mae’r Gwasanaeth Archwilio Mewnol yn darparu sicrwydd, dyluniad a gweithrediad trefniadau llywodraethu, rheoli risg a rheolaeth fewnol effeithiol, sy’n helpu’r Brifysgol i lwyddo.

Gwasanaethau Dysgwyr a Darganfod

Mae Gwasanaethau Dysgwyr a Darganfod yn cydweithio â chydweithwyr academaidd i gynllunio a chynhyrchu dysgu o bell i fyfyrwyr sydd o safon fyd-eang. Maen nhw hefyd yn cynnig amrywiaeth o wasanaethau cymorth sy'n gwella'r profiad dysgu.

Gwasanaethau’r Llyfrgell

Mae Llyfrgell y Brifysgol Agored, sydd wedi ennill nifer o wobrau, yn sail i genhadaeth y Brifysgol i fod yn agored i bobl, lleoedd, dulliau a syniadau. Mae Gwasanaethau’r Llyfrgell yn cysylltu cymuned y Brifysgol Agored gyfan â gwybodaeth o safon fyd-eang, technoleg ac arbenigedd gwobredig i hwyluso’r broses o greu gwybodaeth.

Marchnata a Chyfathrebu

Mae Marchnata a Chyfathrebu yn cynnig arbenigedd mewn ymgyrchoedd, ymgysylltu â staff, marchnata cynnyrch, profiad cwsmeriaid, cysylltiadau cyhoeddus, Rheoli Newid, mewnwelediadau digidol, strategaeth a brand.

Cyfryngau Agored a Dysgu Anffurfiol

Mae Cyfryngau Agored a Dysgu Anffurfiol yn y Brifysgol Agored wedi ymrwymo i ddarparu datrysiadau sy’n sicrhau mwy o fynediad at addysg o ansawdd uchel.

Prifysgol Agored Iwerddon

Mae’r Brifysgol Agored yn Iwerddon yn hyrwyddo cyfleoedd addysgol a chyfiawnder cymdeithasol drwy ddarparu addysg prifysgol o ansawdd uchel i bawb sy’n dymuno gwireddu eu huchelgais a chyflawni eu potensial.

Prifysgol Agored Gogledd Iwerddon

Y Brifysgol Agored yng Ngogledd Iwerddon yw’r unig brifysgol yng Ngogledd Iwerddon sydd wedi ymrwymo i ddarparu dysgu o bell.

Prifysgol Agored yr Alban

Mae’r Brifysgol Agored yn yr Alban yn darparu dysgu o bell â chymorth i fwy na 19,500 o fyfyrwyr yn yr Alban.

Prifysgol Agored Cymru

Y Brifysgol Agored yng Nghymru yw'r darparwr addysg uwch israddedig rhan-amser mwyaf yng Nghymru – mae mwy na 16,000 o bobl o bob cymuned bron ar hyd a lled Cymru yn astudio gyda ni.

Gwasanaethau Pobl

Mae Gwasanaethau Pobl yn gweithio mewn partneriaeth â’r busnes i ddarparu arbenigedd a gwasanaethau recriwtio, cysylltiadau â gweithwyr, ymgysylltu â chydweithwyr, gwobrwyo a mewnwelediad a gwasanaethau i weithwyr.

Dirprwy Is-ganghellor Ymchwil ac Arloesedd

Nod yr Uned Ymchwil, Menter ac Ysgolheictod yw hwyluso rhagoriaeth y Brifysgol mewn ymchwil, menter, ysgolheictod ac ymgysylltu allanol.

Dirprwy Is-ganghellor Myfyrwyr

Mae'r Uned Dirprwy Is-ganghellor Myfyrwyr yn gweithio gyda myfyrwyr, cyfadrannau ac unedau ar draws y Brifysgol, ynghyd â rhanddeiliaid allanol a chydweithwyr yn ein pedair gwlad, i gyflawni gwelliannau parhaus sydd o fudd i fyfyrwyr ar bob cam o'u taith gyda'r Brifysgol Agored.

Cyfnewid Gwybodaeth ac Ymchwil

Cyfnewid Gwybodaeth ac Ymchwil yn darparu amrywiaeth eang o gymorth a chyfeiriad strategol, gan greu amgylchedd ymchwil lle gall ein hymchwil a'n hymchwilwyr ffynnu.

Swyddfa Strategaeth

Mae strategaeth ein Prifysgol, 'Dysgu a Byw', yn llywio ein penderfyniadau a'n blaenoriaethau. Rôl y Swyddfa Strategaeth yw sicrhau bod gan y Brifysgol gyfeiriad strategol clir.

Swyddfa Ysgrifennydd y Brifysgol

Mae Swyddfa Ysgrifennydd y Brifysgol yn cynnig amrywiaeth o wasanaethau proffesiynol a chymorth arwain. Mae Swyddfa Ysgrifennydd y Brifysgol hefyd yn datblygu a chyflawni blaenoriaethau, polisïau a gwasanaethau o fewn y sefydliad a’r sector.

Swyddfa'r Is-Ganghellor

Mae Swyddfa'r Is-Ganghellor yn galluogi'r Is-Ganghellor a'r Dirprwy Is-Ganghellor i gyflawni eu cyfrifoldebau i'r Brifysgol Agored mewn ffordd effeithiol, effeithlon a chadarnhaol.