Newid eich gyrfa, newid bywydau
Y Brifysgol Agored yw prifysgol fwyaf y DU, ac mae'n arweinydd llwyddiannus mewn addysg ran-amser hyblyg, gan gyfuno cenhadaeth i ehangu mynediad at addysg uwch â rhagoriaeth ym maes ymchwil, gan drawsnewid bywydau drwy addysg. Dysgwch fwy amdanom ni a'n cenhadaeth drwy wylio'r fideo byr hwn (bydd clicio ar y ddolen hon yn mynd â chi i wefan YouTube).
Y Rôl
Prif bwrpas y swydd yw darparu cymorth ymchwil i’r Ysgol Addysg, Ieuenctid, Plentyndod a Chwaraeon, gyda ffocws arbennig ar Addysg Gychwynnol Athrawon ac wedi’i halinio i waith y rhaglenni Tystysgrif Addysg i Raddedigion (TAR) yng Nghymru.
Bydd deiliad y rôl yn cynorthwyo Pennaeth yr Ysgol a Chyfarwyddwr y TAR yng Nghymru gyda’r Gyfadran a chyfadran yr Ysgol Addysg, Ieuenctid, Plentyndod a Chwaraeon yn fwy eang. Bydd deiliad y rôl hefyd yn cefnogi a chydsymud ymchwil tîm o Diwtoriaid Cwricwlwm Addysg Gychwynnol i Athrawon yn cefnogi’r rhaglen TAR yng Nghymru. Bydd mentora a chefnogi rhaglen ymchwil bersonol yr ôl-ddoethuriaeth yn cael eu cynnwys mewn ffyrdd priodol.
Sylwer: y dyddiad cychwyn cynharaf ar gyfer y rôl hon yw 1 Ebrill 2026.
Cyfrifoldebau Allweddol
- Cynnal ymchwil ym myd addysg gyda ffocws ar cyd-destun Cymraeg ac Addysg Gychwynnol i Athrawon, yn sicrhau cydymffurfiad gyda safonau moesegol a chyfreithiol.
- Cydsymud a chefnogi ymchwil ar gyfer y rhaglen TAR a’r Ysgol, yn gweithio yn agos gyda’r Cyfarwyddwr a Thiwtoriaid Cwricwlwm i ddatblygu dynesiad strategol.
- Adolygu llenyddiaeth a chynhyrchu crynodebau; cynorthwyo cyflwyniadau grant a chasglu data neu waith maes yn ôl yr angen.
- Ysgrifennu a chyhoeddi papurau ysgolheigaidd, cyd-awduro cyhoeddiadau, a chyfrannu i lyfrau ac allbynnau arall.
- Lledaenu canfyddiadau ymchwil drwy sianeli academaidd a chyfleu i gynulleidfaoedd ehangach, yn cynnwys Partneriaeth Addysg Gychwynnol i Athrawon yr OU.
- Cefnogi’r Cyfarwyddwr TAR wrth wella proffil Tiwtoriaid Cwricwlwm, gan gynnwys aliniad, cynigion, ac ymgysylltu â chymunedau ymchwil.
- Darparu cefnogaeth olygyddol a threfnu digwyddiadau perthnasol i ymchwil Addysg Gychwynnol i Athrawon.
- Cydweithio ag ymchwilwyr ar draws Partneriaeth Addysg Gychwynnol i Athrawon yr OU a sefydliadau academaidd, sector cyhoeddus ac ysgol allanol.
Amdanoch Chi
Hanfodol:
- PhD mewn pwnc perthnasol o addysg, megis cyd-destun addysgol Cymru a diwygio addysg athrawon, neu addysg gychwynnol athrawon.
- Gallu profedig i gynnal adolygiadau llenyddiaeth a chasglu, dadansoddi, a syntheseiddio data ansoddol a/neu feintiol gan ddefnyddio dulliau ymchwil lluosog.
- Sgiliau academaidd cryf, yn cynnwys dehongli llenyddiaeth, datblygu fframweithiau cysyniadol, cyfrannu i ddadleuon, a chyfathrebu yn effeithiol.
- Dangos gallu i weithio’n annibynnol ac yn seiliedig ar dîm, gyda sgiliau datrys problemau ac addasrwydd i flaenoriaethau sy'n newid.
- Profiad o gydweithio â phartneriaid allanol megis ymchwilwyr academaidd, sefydliadau sector cyhoeddus, ac ysgolion.
- Tystiolaeth o lwybr ymchwil, gan gynnwys cynllun clir ar gyfer cyhoeddi dros y tair blynedd nesaf.
- Arbenigedd yn ysgrifennu, golygu, a chyhoeddi yn Saesneg, gyda gwybodaeth am ystyriaethau moesegol wrth ymchwilio gyda phlant a phobl ifanc.
- Ymrwymiad i amrywiaeth, cydraddoldeb a chynhwysiant yn unol ag ethos y Brifysgol, a chofnod o ymchwil neu gyfnewid gwybodaeth sy’n briodol i’r rôl.
Dymunol
- Gallu i ddarllen, ysgrifennu, a siarad Cymraeg i safon uchel, gan gynnwys cynnal ac ysgrifennu ymchwil drwy gyfrwng y Gymraeg.
- Hanes da o gyhoeddi ymchwil ar gyfer y cyfnod gyrfa.
Cymorth gyda'ch cais
Os bydd gennych unrhyw gwestiynau, neu os bydd angen cymorth neu addasiadau arnoch mewn perthynas â'ch cais, y broses recriwtio, neu'r rôl, cysylltwch â ni drwy ffonio 01908 541111 neu e-bostio careers@open.ac.uk gan ddyfynnu rhif cyfeirnod yr hysbyseb.
Beth yw'r buddion i chi?
Yn Y Brifysgol Agored, rydym yn cynnig amrywiaeth o fuddiannau i gydnabod a gwobrwyo gwaith da, ochr yn ochr â pholisïau a threfniadau gweithio hyblyg sy'n cyfrannu at gydbwysedd da rhwng bywyd a gwaith. Gallwch gael manylion am y buddion rydym yn eu cynnig drwy ymweld â'n tudalen Buddiannau Staff (bydd clicio ar y ddolen hon yn agor ffenestr newydd).
Mae hon yn swydd hybrid, a gall yr ymgeisydd llwyddiannus ddisgwyl mynychu ein swyddfeydd yng Nghaerdydd ddim mwy na 2 waith y mis. Fodd bynnag, gofynnwn am hyblygrwydd mewn ymateb i anghenion busnes.
Trefniadau Gweithio Hyblyg
Rydym yn agored i drafod trefniadau gweithio hyblyg. Boed hynny'n drefniant rhannu swydd, rhan-amser, oriau cywasgedig neu'n drefniant gweithio arall. Cysylltwch â ni er mwyn trafod yr hyn sy'n gweithio orau i chi.
Camau nesaf yn y broses Recriwtio
Gellir cyflwyno eich cais yn Gymraeg neu yn Saesneg, ac ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Nodwch os hoffech ddefnyddio'r Gymraeg mewn cyfweliad neu unrhyw fath arall o asesiad. Byddwn yn darparu cyfieithydd ar y pryd os bydd angen un.
Hysbysiad dyddiad cau cynnar
Efallai y byddwn yn cau'r hysbyseb swydd hon yn gynharach na'r dyddiad cau a gyhoeddwyd os bydd nifer y ceisiadau a dderbyniwyd yn foddhaol. Felly, rydym yn annog ceisiadau cynnar.
Sut i wneud cais
I wneud cais am y rôl hon, dylech gyflwyno'r ddogfen/dogfennau canlynol:
- CV
- Datganiad cefnogol o ddim mwy na 1000 o eiriau yn amlinellu sut rydych yn bodloni’r gofynion hanfodol ar gyfer y rôl hon.
Gallwch weld hynt eich cais a gohebiaeth yn ymwneud ag ef pan fyddwch wedi mewngofnodi i'n system recriwtio. Edrychwch yn eich ffolderi sbam/sothach os na fyddwch wedi cael diweddariadau cysylltiedig drwy e-bost.
Bydd yn ofynnol i’r ymgeisydd llwyddiannus gwblhau gwiriad DBS.
