Newid eich gyrfa, newid bywydau

Y Rôl

Mae Rheolwr Llywodraethu a Gweithrediadau’r Rhaglen yn darparu arweinyddiaeth weithredol ac arweinyddiaeth sicrwydd ar lefel uwch ar gyfer rhaglen TAR Cymru, gyda chyfrifoldeb dros lywodraethu, cydymffurfiaeth reoleiddiol a goruchwyliaeth weithredol o’r dechrau i’r diwedd ar draws cylch bywyd y myfyriwr. Gan weithredu ar Radd 7, mae’r rôl yn arwain portffolios penodedig gyda lefel uchel o ymreolaeth, gan reoli gweithgarwch rheoleiddiol cymhleth a defnyddio barn broffesiynol mewn meysydd o risg sefydliadol ac enw da.

Gan weithio ar draws amgylchedd cymhleth sy’n seiliedig ar bartneriaethau, mae deiliad y swydd yn sefydlu ac yn cynnal trefniadau cynllunio, adrodd a monitro cadarn er mwyn sicrhau cydymffurfiaeth ragweithiol, parodrwydd ar gyfer arolygiadau, a sicrwydd o safonau academaidd a gweithredol. Mae’r rôl yn darparu arweinyddiaeth weithredol glir ar draws y tîm, gan sicrhau bod systemau, prosesau a data yn ddibynadwy, yn amserol ac yn addas at y diben.

Drwy gryfhau llywodraethu a sicrwydd gweithredol, mae’r rôl yn gwella gwydnwch a pharhad y rhaglen, gan alluogi’r Uwch Reolwr Gradd 8 i ganolbwyntio ar arweinyddiaeth strategol a datblygiad tymor hir y rhaglen. Mae’r swydd hefyd yn cadw hyblygrwydd i gefnogi darpariaeth ehangach y rhaglen a chydlynu ar draws timau mewn ymateb i flaenoriaethau sy’n dod i’r amlwg ac anghenion capasiti.

Beth yw rhaglen ‘TAR’ y Brifysgol Agored?

Mae Tystysgrif Ôl-raddedig mewn Addysg (TAR) ym Mhrifysgol Agored yng Nghymru yn cynnig llwybr hyblyg i’r proffesiwn addysgu sy’n cyfuno dysgu ar-lein, seminarau byw a phrofiad mewn ysgolion, gan arwain at Statws Athro Cymwysedig (SAC). Caiff y rhaglen ei chyflwyno ar sail ran-amser ac yn seiliedig ar gyflogaeth, ar draws Cymru gyfan, ac mae ar gael yn y Gymraeg a’r Saesneg, gyda chefnogaeth rhwydwaith cryf o ysgolion partner. Gyda chenhadaeth glir i ehangu mynediad, amrywio’r gweithlu addysgu a chynyddu’r ddarpariaeth cyfrwng Cymraeg, rydym yn cefnogi dysgwyr newydd ac yn cydweithio’n agos ag ysgolion partner ar draws holl ranbarthau Cymru.

Cyfrifoldebau Allweddol

Bydd angen i ddeiliad y rôl gymhwyso disgyblaeth gref mewn rheoli prosiectau, gan sicrhau cynllunio clir, cydlynu rhanddeiliaid, rheoli risg, goruchwyliaeth ar ddarpariaeth, a chwblhau’n amserol yr holl ofynion rheoleiddiol, llywodraethu a sicrhau ansawdd. Bydd deiliad y rôl yn datblygu ystod o systemau monitro a sicrhau ansawdd sy’n gweithredu er mwyn sicrhau partneriaeth effeithiol sy’n diwallu anghenion rhanddeiliaid allanol.

Parodrwydd Rheoleiddiol ac Arolygu

• Arwain gweithgarwch parodrwydd ar gyfer arolygiadau ac achredu, gan sicrhau cydymffurfiaeth barhaus drwy gynllunio effeithiol, rheoli tystiolaeth ac olrhain camau gweithredu.
• Dal perchnogaeth o’r dechrau i’r diwedd dros y cylch achredu, gan gynnal sylfaen dystiolaeth fyw sy’n cyd-fynd â disgwyliadau’r Cyngor Gweithlu Addysg.
• Dehongli fframweithiau rheoleiddiol ac arolygu, darparu cyngor awdurdodol, a chydlynu cyflwyniadau o ansawdd uchel ar gyfer adolygiad allanol ac arolygiadau.

Llywodraethu

• Rheoli trefniadau llywodraethu’r TAR, gan gynnwys pwyllgorau a grwpiau gwaith, gan sicrhau agendâu effeithiol, papurau o ansawdd uchel, olrhain camau gweithredu’n glir a chyfarfodydd sy’n canolbwyntio ar benderfyniadau.
• Arwain cylchoedd sicrhau ansawdd ar lefel y rhaglen, gan gydlynu cynllunio, tystiolaeth ac adrodd yn unol â safonau’r Brifysgol a’r rhaglen.
• Dadansoddi data i nodi risg, llywio penderfyniadau a chefnogi gwelliant parhaus, gan gynhyrchu adroddiadau mewnol ac allanol yn ôl yr angen.

Gweithrediadau’r Rhaglen a Sicrwydd

• Darparu goruchwyliaeth weithredol ar weithgarwch sicrhau ansawdd a sicrwydd y rhaglen, gan gydlynu prosesau cynllunio, tystiolaeth, adrodd a rheoli gwybodaeth.
• Dadansoddi data a chyfrannu at adroddiadau er mwyn cefnogi cyflawni targedau a deilliannau o fewn strategaeth bum mlynedd TAR Cymru.

Cefnogaeth i Bartneriaid, Rhanddeiliaid ac Uwch Reolwyr

• Gweithio’n gydweithredol â chydweithwyr academaidd, gwasanaethau proffesiynol a phartneriaid allanol i sicrhau darpariaeth effeithiol y rhaglen a chydbwysedd clir o rolau a chyfrifoldebau.
• Cynrychioli’r rhaglen mewn cyfarfodydd llywodraethu, gweithredol a phartneriaeth yn ôl yr angen.
• Darparu cefnogaeth ragweithiol o ran llywodraethu a gweithrediadau i’r Uwch Reolwr Gradd 8, gan ragweld risgiau a phwysau capasiti a chyfrannu at gynllunio’r rhaglen, ei gwella a’i chynaliadwyedd tymor hir.

Amdanoch Chi

Hanfodol:

• Profiad o reoli prosesau gweithredol, llywodraethu neu reoleiddiol cymhleth o fewn addysg uwch, y sector cyhoeddus neu amgylchedd sy’n seiliedig ar bartneriaethau.
• Profiad o weithio o fewn y sector cyhoeddus neu addysg yng Nghymru, gyda dealltwriaeth o’r cyd-destun rheoleiddiol a phartneriaethol.
• Gallu cryf mewn rheoli prosiectau a rhaglenni, gan gynnwys cynllunio, rheoli risg, blaenoriaethu a chydlynu ar draws timau.
• Profiad o waith sy’n ymwneud â llywodraethu, cydymffurfiaeth, sicrhau ansawdd neu aliniad rheoleiddiol.
• Profiad o gynhyrchu, cydlynu neu sicrhau dogfennau o bwys uchel (e.e. arolygiadau, achredu, archwiliadau neu gyflwyniadau rheoleiddiol).
• Y gallu i ddadansoddi gwybodaeth a defnyddio data a thystiolaeth i gefnogi penderfyniadau gweithredol a gwelliant parhaus.
• Sgiliau trefnu a datrys problemau rhagorol, gyda sylw cryf i fanylion a’r gallu i reoli blaenoriaethau cystadleuol dan bwysau.
• Sgiliau cyfathrebu ysgrifenedig a llafar rhagorol, gan gynnwys y gallu i ddehongli polisi a chyfleu gwybodaeth gymhleth yn glir i ystod eang o gynulleidfaoedd.
• Sgiliau rhyngbersonol cryf, gyda’r gallu i ddylanwadu, herio a chefnogi cydweithwyr ar bob lefel.
• Y gallu i weithio gyda lefel uchel o ymreolaeth, gan gyfrannu’n effeithiol at flaenoriaethau’r tîm a’r rhaglen yn ehangach.

• Y gallu i gyflawni'r rôl mewn modd sy'n gyson â deddfwriaeth cydraddoldeb a pholisïau'r Brifysgol.

 Dymunol:

• Cymraeg rhugl (llafar ac ysgrifenedig) neu brofiad o weithio mewn amgylchedd dwyieithog.
• Profiad o weithio gyda fframweithiau arolygu, achredu neu reoleiddio (e.e. Estyn, CGA neu gyrff tebyg).
• Profiad o rolau sicrhau ansawdd, llywodraethu neu reoleiddiol o fewn sectorau tebyg.
• Profiad o reoli data, pecynnau tystiolaeth neu systemau rheoli dogfennau.
• Profiad o ysgrifennu adroddiadau neu ddadansoddiadau ar gyfer llywodraethu mewnol a rhanddeiliaid allanol.
• Profiad o weithio ym maes addysg gychwynnol athrawon, rhaglenni proffesiynol neu ddarpariaeth sy’n seiliedig ar bartneriaethau.
• Profiad o arwain neu gyfrannu at weithgarwch gwella prosesau neu newid sefydliadol.

Cymorth gyda'ch cais

Beth yw'r buddion i chi?

Trefniadau Gweithio Hyblyg

Camau nesaf yn y broses Recriwtio

Mae dyddiadau cyfweliadau i'w cadarnhau.

Hysbysiad dyddiad cau cynnar

Er y bydd y rhan fwyaf o'r rolau yn parhau ar agor tan y dyddiad cau a hysbysebir, gall ceisiadau gael eu hadolygu yn barhaus. Mewn rhai achosion, gall swyddi gwag gau yn gynharach pe bai nifer digonol o geisiadau addas wedi dod i law ac mae'r effeithiau ar gydraddoldeb wedi cael eu hystyried yn briodol. Bydd yr holl rolau yn parhau i gael eu hysbysebu am o leiaf un wythnos cyn iddynt gael eu cau yn gynnar.

Os ydych wedi dechrau cais neu yn y broses o wneud cais pan gaeodd yr hysbyseb, rydym yn eich annog i gysylltu â ni. Rydym yn ymrwymedig i ddeall amgylchiadau unigol ac yn gallu cynnig cymorth ychwanegol lle y bo angen, gan gynnwys addasiadau rhesymol ar gyfer ymgeiswyr sydd â nodweddion gwarchodedig.

Sut i wneud cais

I wneud cais am y rôl hon, dylech gyflwyno'r ddogfen ganlynol/dogfennau canlynol:

• CV
• Datganiad Ategol hyd at 1,000 o eiriau. Yn eich datganiad, dylech egluro pam mae gennych ddiddordeb yn y rôl, gan nodi enghreifftiau lle mae eich sgiliau a'ch profiadau yn cyfateb i feini prawf hanfodol y rôl hon fel y nodir uchod. 

Gallwch weld hynt eich cais a gohebiaeth yn ymwneud ag ef pan fyddwch wedi mewngofnodi i'n system recriwtio.  Edrychwch yn eich ffolderi sbam/sothach os na fyddwch wedi cael diweddariadau cysylltiedig drwy e-bost.